သွေးချင်းချစ်ကြည်အောင်ပွဲဆီသို့ အခမ်းအနားနှင့် တဆက်တည်းကျင်းပသည့် ဖက်ဒရယ်စကား၀ိုင်းတွင် စီးပွားရေးနှင့် ကူးသန်းရောင်း၀ယ်ရေး ၀န်ကြီးဌာန၊ ပြည်ထောင်စု၀န်ကြီး ပါ၀င်တက်ရောက်ဆွေးနွေးခြင်း
ဖေဖော်၀ါရီလ ၁၁ရက်၊ ၂၀၂၃ ခုနှစ်
လန်ဒန်မြို့
ယူကေနိုင်ငံအခြေစိုက် ပြည်ထောင်စုဖွားတိုင်းရင်းသားများမှ စုစည်း၍ ကျင်းပသော သွေးချင်းချစ်ကြည် အောင်ပွဲဆီသို့ အခမ်းအနားကို ဖေဖော်၀ါရီလ (၁၁) ရက်နေ့တွင် လန်ဒန်မြို့၌ ကျင်းပခဲ့ပါသည်။ အခမ်းအနားအစီအစဉ်နှင့် တဆက်တည်းတွင် ဖက်ဒရယ်စကား၀ိုင်းကိုလည်း ကျင်းပခဲ့ကြရာ အမျိုးသားညီညွတ်ရေးအစိုးရ အဖွဲ့၀င်များ၊ ယူကေအခြေစိုက် ကချင်တိုင်းရင်းသားခေါင်းဆောင်တို့နှင့်အတူ ပြည်ထောင်စုဖွား တိုင်းရင်းသားများမှ ပါ၀င်ဆွေးနွေးပြီး၊ အခမ်းအနားကို live လွှင့် ပြသခဲ့ပါသည်။
